ما قلت لك

من طرف **الشاهين** الجمعة فبراير 22, 2013 1:11 am

ماقلت لك: لاجار وقتك والملا بعينك يضيق

تعااال أشيل الهم عن قلبك وأنا أشرب علقمه

وش فيك يوم زاد نفسك حملها مالا تطيق

صديت كني من وجودك قبل موتي معدمه؟!

وأنا الذي شديت حبل العشق من عهد وثيق

وحلفت لأرضي سر بالك قبل ماينطق فمه

وأنا الذي أخترت أكون الأهل دونك والرفيق

وأنا الذي أرفع جبينك عز وغيرك أهزمه

أنا المحبه والأخوه وإن تبي أوفى صديق

مايكفي إني صرت أشوف الموت لعيونك سمه

ماقالوا: إن الحب 'شيمه' 'تضحيه' و'حس رقيق'

وإن الأمل من غير حب ليلة مسافر مظلمه

تعال وأرمي كل مابك وسط بحر بك غريق

ثم أحسب النجم بعيوني لاأشتعل بي وأرجمه

وإذا تبي أنحر ضلوعي بيت وأسوار وطريق

وأبكي صروح الخوف لأجلك وإن غمرني إهدمه

وإذا تبي تجعل خفوقي حلم عله مايفيق...

لو إنتظارك مقتلي قرة عيوني ~مبسمه~

إن ماجعلت الليل دونك من مصابيحي بريق

وإن ما تركت النوح جرح مات وأحيي بلسمه

وإن مانثرت العمر بيدك صبح ورد بي يليق

وإن مانثرت الحرف يصبح منك أعظم ملحمه

ماأكون ذاك اللي يقول إن جار وقتك لاتضيق

في عينك الدنيا وأنا أكوي الهم وأشرب علقمه