أنا لا من طرو لي إسمك ...

من طرف **الشاهين** الإثنين يناير 07, 2013 11:26 am

أنا لا من طرو لي إسمك تميِّل بالخفوق أغصان
تمـايـل بالـفـرح غـصـن يـهـز بخافـقـي أشجـانـه
سـلام الله علـى خـلٍّ أحبـه وتنجلـي بــه احــزان
سـلامـي لـلـذي بقـربـه تنـاسـى قـلـبـي أحـزانــه
أنا شيدت لـك وسـط الخفـوق مـن الغـلا بستـان
وأنثر لك زهـور و ورد وأسقـي الشهـد بألوانـه
حبيبـي لجـل حبـي لـك أسـج الشعـر لـك عنـوان
أصيـغ الشعـر بالفطـرة ولا نـي عـارف أوزانــه
أقول من القصيد أشكال وأعطيـك الكـلام ألـوان
وأهـدي لـك قلايـد شـوق وشوقـي ياكبـر شـانـه
عزيـز ٍ فـي المقـام إنـت عظيـم ٍ ياكبـيـر الـشـان
دعيتـه يمـد فـي عمـرك دعيـت العالـي سبحـانـه
أنا بقربـك غديـت إنسـان وفبعـدك شبيـه إنسـان
مـن دونـك طفـل ضايـع غريـب مضـيـع أوطـانـه
تجرعت الأسى فبعـدك ذقـت الويييـل والحرمـان
ياليت أعرف وش اللي تحصده من زود حرمانه
أنا طلـت السمـا بحبـك رقيـت الحـوت والميـزان
أنــا لــو يـنــوزن حـبــي يـرجــح كـــف مـيـزانـه
ولا باقـول غيـر إنــي فــي بـعـدك بقـايـا إنـسـان
وش الإنسـان غيـر الخـل مـركـب ضــاع ربـانـه
أنـا مركـب صغيـر وتـاه وإنـت بالهـوا الطـوفـان
يحطمني الأسـى والشـوق تعصـف فينـي نيرانـه
تفنـن ياقصيـدي وانـثـر الكلـمـة عـطـر وألـحـان
واسري في حنايا الروح مسرى الـدم وشريانـه
أنـا مـاريـد غـيـر الـحـب يالـلـي بالعـشـق فـنـان

تفـنـنـت بـغـرامـي لـــك وروح الـحــب ظـمـيـانـة
تمـنـيـت الـعـشـق يـــروّي الـعـاشـق الـشـفـقـان
تمـنـيـت الـعـشـق مـنــك يــــروّي روح ذبــلانــة
أنا مقدر علـى الفرقـا ولا بصبـر علـى النسيـان
لــو فــي صاحـبـك أي خـيـر مـافـكـرت نسـيـانـه
حبيـبـي أتـهـم نـفـسـي لـجــل ماتبـتـعـد زعـــلان
عـشـانـك أتهـمـهـا زور لـــو مـاهــي بغـلـطـانـة
بـس حبيـت أوضـح لـك ياللـي بفكـرتـك غلـطـان
أنـا اللـي للهـوا ظميـان وروحـي حيـل عطشانـة
كنـت أحلـم بقطـرة حـب تبلـل خافـقـي العطـشـان
لـكــن حـظــي تاعـبـنـي يـصـفّـق فـيـنـي بـيـبـانـه

قبـل مـاروح لـو تسمـح أنــا لــي خـافـق تعـبـان
قبـل مــاروح لــو تسـمـح أنــا لــي روح تعبـانـة
خفـاقـي يـبـي تـرجـع مـثـل الأول زمـــان ٍ كـــان
يالـيـتـه يـعــود يحيـيـنـي ويـحـيـي ورود ذبـلانــة
روحي ترتجي حضرتـك تسقيهـا العشـق فنجـان
لـو كـان العشـق فنجـان لأشــرب مـنـك فنجـانـه
سـلام الله علـى خـل ٍ أحبـه وتنجلـي بـه احــزان
سلامـي لـلـذي بقـربـه تنـاسـى خافـقـي احـزانـه